ادري بدري بس كمان الاغلب زيي يحب يستغل فترة التخفيضات في شعبان ، فقلت انزلكم انا ايش اسوي قبل ابدا تسوق
حتي احافظ على وقتي وميزانتي وما اقش السوق بالي فيه .
الخطوات كالتالي :
فضي دولابك
طلعي كل شي وافرزيه بين: القطع الي انلبست مثلا قدام خالاتك بس ما شافوها عماتك او قدام صحباتك بس ماشافوها قريباتك.
القطع الي ممكن تتكرر وماتبان "زي مثلا قميص ابيض لو لبستيه مع تنسيق مختلف تماما محد بيعرف انه نفسه".
واخيرا الملابس الي لبستيها مره او مرتين بس شافوها كككل الناس خلاص ،
الاخيره اذا انتي بترجعي تلبسيها خلاص اتركيها اما اذا انتي من الناس الي ماتكرر فطلعيها صدقه بدال ماتقعد في دولابك ع الفاضي .
اكتبي الي ناقصك
الحين بعد ماعرفتي ايش عندك وايش ماعندك ، اكتبي الاشياء الي ناقصتك وركزي على الي تحتاجيه ، ضروري تكتبين عشان لمن تنزلين السوق تكونين مركزه على هدف ، ولا تنسين القطع الكماليه برضو اكتبي الاكسسوارات الي تحتاجينها بالضبط وحاولي اختياراتك تكون قطع تقدرين تستفيدين منها وتلبسينها ع اكثر من تنسيق .
ابحثي عن الهام
ممكن تلاقي عندك قطعة ماتعرفي كيف تنسيقيها او تكون تنلبس باكثر من طريقه بس انتي مو عارفه كيف،
ادخلي هالبرنامج "piniterest" اكثر برنامجج ينقذني في التنسيقات ؛ انا وحدة عندي مشكله معرف اتخيل !! من جد يعني معرف ايش يناسب ايش ..الا لمن اقوم البس واجرب بس انو وانا كذا في مكاني بالنظر اعرف ! مستحيل هههه
فهذا البرنامج حلو كل الي عليك تسويه انك تبحثي مثلا how to wear , midi, black, skirt وحتلاقين كثير لابسين تنوره ميدي سودا عاد غشي التنسيق الي يناسبك .
حملي تطبيقات المحلات
هذي من اهم الخطوات عشان وانتي في بيتك على سريرك تعرفين السوق ايش فيه وايش بتشترين منه وبكم وايش المحلات الي بتدخلينها ! بس بعض القطع في التطبيق تتاخر لين يعرضونها في محل بس غالبا التاخير اسبوع او اسبوعين بالكثير .الي في الصوره هي الي انا محملتها بس في الآب ستور في اكثر تقرييبا اغلب المحلات موجودة.
واخيرا جربي التسوق اون لاين
اذا حسيتي السوق مافيi شي يسوى او في بالك شي مالقيتيه ، هذي بعض المواقع الي تقدرين تتسوقين منها ويوصلون لحد البيت مع الدفع عند الاستلام :
فوقا كلوزيت , متجر فانيلا , موقع نمشي
ان شاءالله تكونو استفدتو شوي ،، مع تمنياتي لكم بتسوق ممتع p;
