بعض مكونات كريم الاساس

صباح الجمال والروقان والسعادة ..

بما اني صحيت نشيطة ومعد جاني نوم قررت اجي اسولفلكم شوي

بدال ما اذاكر ههههه

اول حاجة انا في الرياض الحين واغلب الاشياء الي ابغى اتكلم عنها مو معايا

فراح اتكلم في موضوع طويل شوي بس ان شاء الله بيكون مفيد,,

لو انتي مشغولة قفلي وارجعي بعدين !

ولو فاضيه جيبيلك كفي وورقة وقلم وتكي معايا ..

كيف تختاري فاونديشن صح..؟

قد تكلمت كثييييييير وبتكلم اكثر وان شاء الله اليوم بيكون اخر حاجه

واكون ختمت هذا الموضوع "طبعا ارجعو لانستقرامي تلاقو كل حاجه"

 اليوم حتكلم عن كيف اقرا المكونات واعرف ايش احتاج..

اول شي قولنا كيف نعرف قوام الفاونديشن من اول ثلاث مكونات

Water : ماء

Oil :  زيت

Silicone : سيليكون

هذي الثلاثة لو قريناه وحده منها في البداييه معناتها المكون الاساسي

------------------------------

بعد كذا نشوف نوع بشرتك..

اذا بشرتك جافه :

انتي تحتاجي شي اساسه زيتي

ويحتوي على

Glycerin  او hyaluronic acid

"لاحظو انا اتكلم عن المكونات  "

في وصف الفاونديشن دوري كلمة تدل ع الترطيب

مثلا hydrating  او moisturizer

---------------- 

ولو بشرتك دهنية :

في المكونات نبحث عن السيلكون

والوصف عن oil free - matte -mattifying -oil control –

طبعا وحدة منهم مو كل الي ذكرتها !

^ هذي تعطي لوك مات "مطفي" للبشرة

 زي كذا 

او لديوي لوك زي هذا 

 نبحث عن

Mica  او iron oxide

"مو بس للبشرة الدهنية"

_______________________

طيب بعض الفاونديشنز تزعم انها مفيده وتقدم فوائد لبشرة

حتكلم عنها :

فيتامين A,E,C

هدي من مضادات الاكسدة ممكن تخفف التجاعيد وفيتامين C  معروف بفوائدة

في تفتيح البشرة وتخفيف التصبغات ..

و للتصبغات عندنا :

Licorice  الي هوا عرق السوس

اوarbutin   الي هوا اربوتين, في كريم تبييض بهذا الاسم وهيا مادة فعاله للتفتيح

بس لاتتوقعو منها نتيجة واو؛ لانهم اصلا حاطين هذي الاشياء بنسب قليلة !

وبالنسبه لمعالجات التصبغات نادر تلاقيها في أي فاونديشن ع الاغلب بس في الي يكون معالج ..

 ---------------------------

للمسامات والخطوط التعبيريه : Dimethicone  مادة سيلكونيه

واقي الشمس للحماية من حروق الجلد spf  >>>  نزلت في الانستقرام عن الواقي ضروري تشوفوه

 -----------------------------------

الاشياء الي شخصيا اتجنبها في الفاونديشن :

Fragrance  او perfume  : عطور !! شخصيا تسببلي حساسيه

Platimate : تسد المسام وتهيج البشرة

Paraben : مادة حافظة رخيصه ممكن تسبب حساسيه وتسريع شيخوخة البشرة

وبكذا اعتقد اني خلصت ويارب اكون افدتكم .. الصور كلها من قوقل بما انو مافي حولي اي حاجه ممكن تتصور >< 

 وشكرا ع وقتكم