السلام عليكم جميلاتي ..
لقد عدت بعد انقطاع طووويل ههههه
ريفيو اليوم عن باليت الكونسيلر من كوستال
اول شي ابغى أنبه انو في نفس الشكل من شركات ثانيه الي جربته من كوستال وهو الي بتكلم عنه ..
طيب هو عبارة عن ١٠ ألوان كونسيلرات يعني تناسب كل ألوان البشرة والي مالقيت لونها ممكن تدمج لونين،
الي بيستفيدو منها اكثر شي خبيرات التجميل .. وع فكرة مو شرط تكون كونسيلر ممكن تستخدميها ك فاونديشن
وجربتها كذا ..تغطيتها متوسطة لعاليه وممكن نبني عليها طبقه ثانية عشان تعطينا تغطية كاملة.
وآخر استخدام انو نعمل بيه الكونتور وهذا الي بشرحو هنا ..
اول شي نجي نشوف ألوان الباليت
تتدرج من الفاتح للي غامق والدرجات تناسب البشرات الباردة والدافية..
بالنسبة للـ قوام هو كريمي بس مو زيتي !
"أتمنى هالصورة توضح قصدي"
الي ع اليسار باليت كونسيلر من ميك اب فور ايفر
زوم إن
لاحظو معايا اللمعة فوق اللون الاخضر في الباليت ألي ع اليسار
مهي موجودة في الباليت الي ع اليمين هذا الي اقصده ..
طبعا هذا الشي يخدم بالدرجة الاولى ذوات البشرة الدهنية
٢- بيساعد انو الكونسيلر مايخطط
٣- عيبه انه مايعطي منظر حلو تحت العين "يكتل " ف ضروري جداً تحطين كريم ترطيب لتحت العين قبله !
طيب نبداء بطريقتي معاه :
اول حاجة ابخ فيكس بلس ع وجهي عشان يسهل مشيه وتوزيعه
بعدين استخدم اللون قبل الاخير في الصف الاول
كمصحح للهالات
مو شرط ع الهالات اي منطقه غامقه فوجهك وانتي حابه تبرزيها باللون الفاتح حطي قبله هاللون ..
بعد كذا اخذ اللونين الفاتحة في بداية الصف الاول وادمجمهم عشان تكون قريبة من لوني
احطها ع أماكن الهايلايت : تحت العين بشكل مثلث عظمة الانف تحت الحاجب والجبهه والدقن ..
وللكنتور :
استخدم أغمق لونين في الباليت
بالنسبة للكنتور اما استخدم هذي الفرشة او الاكسبرت فيس من ريل تكنيك
عشان تعرفين كيف تسوين كونتور لوجهك
انا قد غطيت الموضوع في الانستقرام تلاقونه في هذا الهشتاق #اجوبة_بيوتي
سواء لكنتور الوجه او الانف ..
ومهم جداً تشوفين ممثله تشبه رسمه وجهك وتقلدين طريقتها
مثلا انا كثييييير يشبهوني بـ نور الغندور :p
مع انو ما اشوف في اي شبه في الملامح لكن عشان رسمه الوجه والوجنات ماشاء الله
لاحظو كونتورها عشان يبرز خدودها وانا زيها احب ابرزها
سرت اسوي نفس طريقتها لانها ناسبتني
هذي الصورة توضح أماكن الهايلايت والكنتور
شفتو كيف ع الخد جايه مايله ولين تتصل بالأنف؟
هذي الطريقة جداً بيرفكت ع رسمه وجهي وهي الي اتبعها
المهم نكمل
بعد ماخلص التخطيط اخذ فاونديشني
واوزعه بالطبطبه بالبيوتي بلاندر
في ناس تبداء بالفاونديشن بعدين الكونتور انا اشوف كذا اسهل ويعطي منظر 3d اكثر هههه
وأخيرا وليس آخراً
اثبت بالبودرة
ع أماكن الهايلايت استخدم البنانا باودر وع الكونتور ماك مينرالز ناتشورال فينش درجة ميديم دارك
وكذا نكون خلصنا ..
بالنسبة للباليت سعره في حدود ١٥٠ ريال عند التاجرات انا اخذته في فترة عرض
حاليا عليه خصم في موقعهم ب١٢ دولار
الي بشراتهم جافه استخدمو قبله كريم ترطيب عشان يمشي معاكم بسهولة ..
ليست هناك تعليقات:
إرسال تعليق