اول شي اغراض العناية :
١/ رول قارنيه للعيون : ماله داعي في الحياه كنت بس استخدمه لانه شوي يبرد اذا خليته في مكان بارد
المهم من كثر ماهو ماله داعي والله مدري ايش اقول ههههههه وطبعا ماراح ارجع اشتريه.
٢/ زبدة بالمرز : هي للبطن الحامل اعتقد من اسمها يعني ،، المهم احببببببببها للمناطق الجافه بالجسم تخلي الجسم زبببببدة ترطب من قلب وتنعم وبالنسبة للتشققات معرف عن فاعليتها لان ما أعاني منها، "أنتو اكتبو لي تجاربكم معاها" .. راح اشتريها مرة ثانيه أصلا مشتريه غيرها وقربت تخلص كمان .
٣/ مقشر سانت ايفز : مايحتاج اقول قد ايش يجنن واحبه للوجه وللجسم ولليد وكل شي .. في منه انواع وكل بشرة حسب ايش يناسبها وايش تحتاج الي عندي للبشرة الحساسه ومناسبني ، وأكيد راح ارجع اشتريه .
٤/ شمعة باث اند بودي : الي عندي "فروستد كب كيك" خلصتها تقريبا في ١٠ ايام ! ريحتها فانيليا لذيذة مره بس ماراح ارجع اشتريها لقيت نفس ريحتها في شموع سنتر بونيت وحجم اكبر وبسعر أرخص .
٥/ تونر شجرة الشاي من لاش : تكلمت عنه قبل وهو جميل ومهدي للبشرة كنت سمعته انه يصغر المسامات وانا مساماتي أصلا صغيرة فتوقفت تختفي وطبعا ماسار هالشي .. أمم ممكن ارجع اشتريه وممكن لا ؛ السبب ان فروع لاش مهي قريبة مني وهو جيد بس مو لدرجة اني اتعنى له .
٦/ غسول الوجة من جونسون : اخذت الي للبشرة الجافة عشان يترك بشرتي مترطبه شوي ، جميل مره وخفيف ع البشرة وفيه حبيبات تقشير مو كثيرة وناعمة ع البشرة حبيته بس معرف اشتريه ولا لا لان عندي غسولات كثير الحين لما اخلصها أقرر .
٧/ غسول بايودريما : مزيل المكياج المفضضضضل عندي كثار يقارنوه بحق رويال او نيفيا نسيت ايت بالضبط بس يعني هذا ميزته انه موووويا وهذاك مويا وزيت يعني حتى ما يترك الوجه نظيف بدون اثر احس هالمقارنة ظالمة!! المهم احبه وراح ارجع اشتريه اكيد ماعيش بدونه .
٨/ كريم موحد اللون من فازلين : حبيت ترطيبة احسه خفيف ظريف عادي مو شين ومو واو وما لاحظت توحد لون كثير او فرق واو ،، ماراح ارجع اشتريه احسه عادي ..
مرطب لابيلو: اول شي اكييييد ماراح ارجع اشتريه تعرفت ع أشياء احلى ههههههه بس الي خلاني اخلصه ريحته ولونه تذكرني بأيام المدرسة عشان كذا احبه .
نرجع للمكياج:
١/ ستروب كريم ماك : كتبت عنه ريفيو قلت فيه كل شي ممكن أقوله ،، راح ارجع اشتريه هذا مكياجي المفضل وكريم ترطيبي وكل كل كل شي .
٢/ برايمر اربن ديكاي : هذا الي جاء مع باليت نيكد ون حسيته قعد عندي للأبد مابغى يخلص -_-
اممم ماكنت راح ارجع اشتريه راح اخذ حق توفيسد بس جاني الكبيره هدية من روز ذابالم
٣/ بودرة انجلوت : هنا في غش شوي لاني ماخلصتها كلها انكسرت وراح نصها وانا خلصت الباقي ، سويتلها ريفيو هي بودرة تثبيت جميله وتعطي ملمس ومنظر مخملي للبشرة . امم ماراح ارجع اشتريها عندي حقت ماك ومكفيتني حاليا .
٤/ مسكرتي الصفرا من ميبلين : قد قلت ان هذي مسكرتي من سنين وأحس خلاص لقيت المسكرة البيرفكت ليا و ماعد دورت بعدها اي مسكرة .. اشتريت اختها الي ضد المويا بس راح ارجع اشتري ذي ؛ عشانها تنمسح بسهولة اكثر
٥/بودرة الحواجب من بودي شوب : خلصتها لآخر قطرة هههههه الي عندي درجة رقم٣ لونين اسود وبني غامق
الأسود كنت استخدمه ع خط رموشي بشكل خفيف زي الايلاينر يعني او ع خط الرموش الي تحت ، ماراح ارجع اشتريها لعدة أسباب اول شي كنت اشتريها ب٦٩ ريال والحين سارت فوق ال١٠٠! غير انو الفرشة الي تجي معاها بايخه ،، ولقيت البديل لها من كوستال سينس تجي اربع درجات ومع فرشه وب٧٠ ريال :*
والحين دوركم احكو لي تجاربكم مع هالاشياء ؟
ليست هناك تعليقات:
إرسال تعليق