السلام عليكم .. يسعدلي مسائكون ❤️
من كم أسبوع وصلتني هدية من متجر لينو
الهدية كانت عبارة عن مجموعة تاتو الشفايف من Berrisom
هي باك من ٦ ألوان فكرتها انها زي القلوس تنحط ع الشفايف وتنشف في خلال ١٠-١٢ دقيقة وبعد كذا تشيليها وبتترك لون حلو كأنك مسويه تاتو شفايف أو حاطة تنت ..التصبغ الي تتركه ع حسب درجة اللون الي مستخدمته
اكثر شي عاجبني هو طريقة ازالتها ^^
المهم قبلها تكونين مقشرة شفايفك بمناديل مبلولة حتى يتوزع اللون صح ..وبشويش لمن تقشرينها؛ لو كانت شفايفك مجرحه بيحرقك "-_-
ثباتها يبقى لأكثر من ٦ ساعات بس كل ماغسلتي بالمويا تخف ..ماتجفف الشفايف او تترك اي اثر عليها ..
حبيتها مره ومن جد سرت استخدمها كل يوم ❤️
الشي الثاني طلبتهم اجربه وكنت مره متحمستله
ماقدرت اسويله سواتش لأنو لو سويت حظلمه
بس هذي من النت
هو لوشن يعطي ترطيب ولون .. يناسبك اذا انتي أصلا فاتحة ،، عن نفسي ايديني مفحمة من شمس الجامعه فلمن جربته عليها الله لا يوريكم طلعت رماديه! كائن فضائي .. لكن ع رجولي او يعني المناطق الافتح كان مره حلو. يغطي العيوب الخفيفة ويبين المنطقة مترطبه وريحته بودرية جميلة..
هذا رابط موقعهم:
"الموقع حاليا ما اشتغل معاي ولا كنت حطيت لكم روابط المنتجات مباشرة"
بس تصفحوه هو متجر مختص بالمنتجات الكورية ومنوع جداً من منتجات تجميل الى ملابس اكسسوارات والخ
ومؤخراً وفرو خدمة الدفع عند الاستلام ❤️
قيف أواي:
كانوا كريمين معي وقدمو نفس المجموعة الخاصة بتاتو الشفاه من Berrisom هدية لإحدى متابعاتي كل الي عليك تسويه :
/ تتابعيني وحساب المتجر ع الانستقرام
/تنزلي الصورة"الي حطيتها في الانستا" في حسابك مع تاق لحسابي وحسابهم وهشتاق #قيف_اواي_بيوتي_لينو
الاختيار حيكون ان شاء الله بالسحب والاشتراك لأي وحده في المملكة او الخليج ..
حظ موفق للجميع ❤️
ليست هناك تعليقات:
إرسال تعليق